Në kuadër të aktiviteteve përgatitore që zbatohen para publikimit të Thirrjes së Dytë për dërgimin e projekt-propozime, Sekretariati i Përbashkët Teknik në bashkëpunim me Strukturat Operative të dy vendeve pjesëmarrëse (Zyra për Integrimin Evropian, Ministria e Financave – Drejtoria për Financimin dhe Kontraktimin e Asistencës së BE-së dhe Ministria për Evropën dhe Punët e Jashtme e Republikës së Shqipërisë) ju fton të merrni pjesë në Ditët informuese/Forumet për kërkimin e partnerëve në kuadër të IPA Programit të Bashkëpunimit Ndërkufitar Mali i Zi – Shqipëri 2014-2020.

Ditët informuese/Forumet për kërkimin e partnerëve do të mbahen:

• Në Shkodër (Shqipëri) në Hotel Rozafa (Adresa: Rruga Teuta) më datë 06 Nëntor të vitit 2018, duke filluar nga ora 11.30.
• Në Podgoricë (Mali i Zi) në Hotel Ramada (Adresa: Bulevar Save Kovačevića 74) më datë 09 Nëntor të vitit 2018, duke filluar nga ora 11.30.